المرشحون للرئاسة فى قفص الانتخابات والشعب ينظر إليهم من خارج وتدور كلمات لها معنى:-والله أنا خايف ليمسك واحد من الفلول .-أنا مش خايف ادنيا اتغيرت .بالعكس د الريس هو اللى هيكون خايف .-وهيخاف من إيه ؟-هيخاف من الناس .اللى سقطوا المخلوع يقدروا يسقطوه.-برضه خلينا معقولين ..التركة تقيلة والبلد بايظة هيعمل إيه واللا إيه ؟-على فكرة الناس مستعدة تتحمل وتشد الحزام بس لما تشوف الريس أول واحد يشد الحزام ومالوش برتيتة ومحاسيب ..هو ده اللى بيزعل الناس . لازم اللى فى السلطة يحس بأوجاع الناس-فكرتنى برئيس فرنسا الجديد فى أول اجتماع لوزارته قرروا تخفيض مرتباتهم التلت .-أنا سمعت الدكتور أبو الفتوح بيقول :لو بقيت رئيس مش هسكن فى قصر القبة هاخرج من بيتى كل يوم لمكتبى فى مكان عادى .-أفلح إن صدق على فكرة انا سمعت رئيس تونس فى لقاء مع منى الشاذلى بيقول إنه هيبيع قصور الرئاسة وهيكتفى بواحد بس .-والله نتمنى إن اللى جاى يكون عند حسن الظن .-لكن أنا عندى فكرة ..دلوقتى الرئيس طبعا هياخد أعلى الأصوات طيب واللى هيبقى التانى والتالت دول ناس واخدين ملايين الأصوات ليه منستفيدش منهم ؟-إزاى يعنى .؟-يعنى التانى يبقى النائب والتالت يبقى رئيس وزرا ويبقى كلهم بالانتخاب .-والله فكرة محصلتش ابقى قولها للرئيس الجديد .(ملحوظة :اللغة العربية زعلانة منى قلت لها :يا حبيبتى أنا أكلم شعبا أكثر من ثلثه أميون ولما تمحى أمية آخر واحد منهم سوف أغنى لك بالفصحى) |
الخميس، 24 مايو 2012
دردشة انتخابية
الاشتراك في:
تعليقات الرسالة (Atom)
ليست هناك تعليقات:
إرسال تعليق